يا مصر يا مشكله
يا أنيقه ومدهوله
ليه فرقوا دمك
ـــــــــــــــــــــــــــــــــــــــــــــــــــــــــ
التصنيفات : أشعار بالعامية المصرية |
محمد يوسف ... شاعر سكندرى شاب... من مواليد 1978 .. حاصل على جائزة أول الأسكندرية فى شعر العامية عام 2002 له العديد من اللقاءات التليفزيونية الأدبية ... أنشأ صالون الشاعر محمد أحمد طه الأدبى بنقابة أطباء الأسنان بالإسكندرية ... له العديد من الأعمال الأدبية المنشورة ... أول من أقام مؤتمر شعرى سكندرى للتنديد باغتيال الشيخ أحمد ياسين ... له مشاركات عدة فى ندوات لجنة التنسيق بين النقابات المهنية بالاسكندرية ونقابة الأطباء فى مجال مكافحة التدخين والإدمان ... يكتب الأغنية وقصيدة العامية والرباعيات منذ الصغر .. ديوانه ألأول تحت الطبع ... وله تجارب شعرية بالفصخى ولكنها قليلة العدد ... يقيم الآن بالمملكة العربية السعودية ويعمل مديراً للتأجير والتحصيل بكبرى الشركات العقارية بمدينة جده
أنا لما بقول الشعر بحس كانى حقيقي بغنى وبهرب منى وأتوه وياه وأدوب فى الآه
الاسم: محمد يوسف
البلد: مصر
التصنيفات : خاصة,سياسة وأخبار,ثقافة وفن,أدب وكتب,تسلية وأفلام وتلفزيون,ديانات,الأسرة والأصدقاء,مال وأعمال,انترنت وبرمجيات,الموضة والحياة,ألحان وأنغام,تصاميم,تكنولوجيا,رياضة,سفر وتجوال,عام,المرأة
أظهر كافة المعلومات
| ► | مايو 2012 | ◄ | ||||
| سبت | أحد | إثنين | ثلاثاء | أربعاء | خميس | جمعة |
| 1 | 2 | 3 | 4 | |||
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | 31 | |
لو عندك موهبة فى شعر العامية تعالى نتواصل مع بعض ونسمع بعض ونتبادل الأفكار ونتشارك احساسنا بسحر الكلمات ؛؛؛ رشحلى قصيدة حلوه أقرأها ؛؛ وآخد رأيك فى آخر شئ كتبته .. ضيف مدونتى العزيز ... شرفتنى زيارتك ... وأتمنى استمرار الزيارات **** ... يادنيا باللى الحزن فيكي طريق ... شيب شبابى وجف منى الريق ... يا دنيا راح ينتهى وياكى تغريبي .... ولا حموت فى بحور جراحى غريق **** وعجبى ***
محمد يوسف ... متذوق جيد للشعر ... ولا أقول أنى شاعر ... بل هى خواطر متواضعه صنعتها أحاسيس جميله عشتها فى أحضان مدينتى الحبيبه التى لا أنساها للحظة واحدة مهما ابتعدت عنها ومهما احتضنتنى مدن أخرى ... فلها الفضل فى تكوين مشاعرى ... ولأمى الغالية الفضل فى اظهار هذه المشاعر فقد كانت ولاتزال مستمعى وناقدى الأول.......
يا مصر يا مشكله
يا أنيقه ومدهوله
ليه فرقوا دمك
****
حاسس انى بين ايديكى
رغم انك مش معايا
كل نظره من عنيكي
قادر المحها ف سمايا
المسى قلبى اللى لامسك
طمنيه
طمنى قلبى اللى حاسك
واحضنيه
واعشقى ليل المشاعر
اعشقيه
سيبى نفسك للحكايه
يا اسكندرية
يا بلاد الأمنيات
يا اسكندرية
يا عيون الذكريات
يا احلى روايه مـــوروثـه
بدون تحريف
يا قصة حب
عايشه جوه قلب ضعيف
يا أجمل لوحه مرسومه
بأيامى وأحلامى
أمى الصبية الطيبة
الجاية من بين الخضار والريف
صيادك الماهر أوى الحريف
حتى الخريف
بيساوى فى عيونك حياه
رغم انه فى كل البلاد
معنى الممات
يا اسكندرية
يا بلاد الأمنيات
*****
وما بين بيبان مقفوله
من عهد الرومان
آثاراتك الغرقانه
تتحدى الزمان
ويزقها موجك
وتانى يضمها
ويشدها
ويبث فيها الأمنيات
وكتير يا بحر
فيك تتولد مليون حياه
وكتير يا بحر
فوق شطوطك
يتولد مليون ممات
يا اسكندريه
يا بلاد الأمنيات
*****
ولأنى فيكى
بعشق المواويل
وهمهمات الدعاء
فى سجود قيام الليل
وصفارات الهوا
فى رياحك الأبابيل
*****
يا بحرك المجنون
حتاخدنا فين وياك
ده ف عز صهد البروده
وف قلب شهر كياك
قاعدين ع
يا شمس روحى وقولى لحبيبتى
نسيت عيونى النوم لما فى يوم غيبتى
والقلب عاش مهموم وغرقت انا فى حيرتى
يا شمس شفت فى بعدها والله ياما كتير
***************************
يا شمس روحى وادخلى بيتها
وسلميلي عاللى بصدق حبيتها
مسحراتى
منقراتى
عمال بلفلف
وأحكى حكاياتى
السهره تحلى
والقصه احلى
عن مصرى راجل
بطل دمياطى
لما اتقرصنا
من القراصنه
ماشافتش عينه
النوم ليلاتى
صرخ بصوته
قتل سكوته
قال يا الهى
بدعيك يوماتى
تشد حيلى
شادد رحيلى
رايح اجاهد
والبحر عاتى
حرر ولادى
فرح بلادى
وكون معايا
سدد خطايا
واستر عبيدك
وقت الرحيل
الفخر عزى
مسحراتى
منقراتى
من تانى راجع
أشكى المواجع
ومين بيسمع
يا مصر مين
ماهو الديابه
عاملينها غابه
نار ع الغلابه
والمحتاجين
وبقيتى زيطه
ولخبطيطه
لا سياسه حاكمه
ولا حتى دين
بعدين معاكى
ياللى ف هواكى
زنـازين بتشغى
بالمسجونين
الشغل كوسه
والفن حوسه
والقلب فيكي
أصبح حزين
عايشين فى غمه
تيفود وحمى
أمراضنا ليه ؟
عايشه لسنين
وشبابنا
src="http://www.tvquran.com/add/index.htm" frameborder="0" allowtransparency="1" scrolling="no" width="302" height="334"></iframe></center>
سأتوقف عن التدوين لأجل غير مسمى وذلك نظرا لظروف وفاة والدتى تغمدها الله بواسع رحمته أسأل كل من زار المدونه الدعاء والاستغفار لها….
لما الهرم يتهدم لما العلم يسود …
لما الألم يترسم بالدمع فوق الخد …
لما الغلابه فيكي مايلاقوش القوت ….
لما الحكومه تسوق الشعب بالنبوت…
يبقى السكوت عالموت … حياخدنا لحاره سد
انسان شبيه الكبس كبس النور …
تك اتولد وتك مات مقهور …
لو كات ودانى تسمع مصير الميتين …
انا كنت اعيش العمر بين القبور … عجبى
*******
عديت فى يوم عالمرايه بصيتلى مالقتنيش …
لا كنت مسطول ساعتها ولا كنت شارب حشيش …
شخطت انا فى المرايه فين صورتى ليه غابت …
ردت مراية الأدب … أرجوك ماتحرجنيش ……. عجبى
******
حبك وسام ووسام على صدرى …
بين الزحام والغربه كان قدرى…
وانا حبك ولا أهله ولا استاهله …
انا متهم … والقضيه بحبك انتى …
وفى دفاعى قلت عاشقك زى مانتى …….
انا متهم بالعشق فيكي وراضى جداً …
العقوبه تفضلى دايما
امسك زمام نفسك وأدبها
ياللى انت طول عمرك مسيبها
لكن حذارى وانت بتصلح
تقوى عليك الدنيا …. تخربهاالمزيد
بيولعوكى يا مصر بالتقسيط
ولو قدرت أصدق أبقى عبيط
ان المطافى رى بالتنقيط
وان النيران بدفى أركانك
——
من شهر واحد ولعو الشورى
شفت بعنيا الدنيا مقهوره
وهان عل
مسحراتى جاى النهارده
عمال بخبط على كل باب
على ناس أميره
وناس فقيره
وناس ياعينى
واكله التراب
وناس فى عينها
فهم وبصيره
وناس عيونهم
عاشقه الضباب
وناس حياتهم سهله ووفيره
وناس بتلعن زمن العذاب
الصوم جمعنا
حكمه ومعنى
ومين بيفهم
سر الغياب
مسحراتى للشعر دارس
حاسس بناسك الطيبين
العيد حييجى ويا المدارس
والفقرا فيكى بياكلو طين
وناس عيونهم تشرق نوارس
وناس عيونهم معيطين
والكل ماشي زى المواشى
لما بيمشوا متخبطين
ناسيين حياتهم
شاريين سكاتهم
عايشين مماتهم
متلتمين
يا مصر فوقى
لو ابص فوقى
أتوه وأسرح
مين تحت مين
يا شعب صايع
أنا بختى ضايع
اهتمام كبير بأغنية ما بين عينك وبين عينى لدرجة عمل منتدى خاص لها على موقع ايجي فيلم واليكم اللنكات الخاصة بالموضوع يا ريت تقروهم الاتنين
الى كل حبايبى…. مفاجأه أغنية ما بين عينك وبين عينى من كلماتى وغناء خالد سليم خلاص حتنزل الأسبوع ده حصريا قبل اى حد ببلغكم ويارب كلماتى تعجبكم
عاوزين تسمعوها الرابط موجود …ادخلو وشوفوا الكليب ولازم أعرف
لكل قلب … قلب بيدور عليه
مهما يغيب أكيد فى يوم حيلاقيه
اياك تقول ان الحنان راح وانتهى
ده لو مفيش فى الدنيا حب ودفا … حنعيشها ليه
وعجبى
حزين فى دنيا فيها من الحزانا كتير
جريح القلب وقلبى جرحه كبير
همومى زادت عن حدودها والهوى
يقتل هموم القلب لما بشوقه يطير
وعجبى
فلاح وهاجر أرضه واتغرب
بحبك بحبك وحفضل احبك
واحب انى احبك
واحبك كمان
بحبك وفائى وعمرى اللى باقى
وفرح اشتياقى وحبك جنان
بحبك عيونى وشوقى وجنونى
وأحبك تكونى لروحى الأمان
بحبك بحبك وحفضل احبك
واحب انى احبك
واحبك كمان
بحبك وبوهب لقلبك حنانى
بحبك وشايف فى روحك مكانى
وحبك ده غنوة ليالى زمانى
واتمنى أحبك لطول الزمان
بحبك بحبك وحفضل احبك
واحب انى احبك
واحبك كمان
بحبك بريئه وخجوله وجريئه
وحبك فى عمرى ده أجمل حقيقه
وأحب فى عيونك أرفرف فى كونك
وأحبك تكونى فى هوايا … وأكونك
قريبا فى مصر سيارة اسكوتر ولا تقولى توك توك ولا يحزنون ….. شوف وقول رايك يا سيدى
ولو ايدى تبوس كفك
بحس بأنى فى الجنه
وبتمنى
أعيش وياكى عمرى الجاى
فى جنه فرشها من ضى
وابوابها حرير مجدول
قالولى انت فقرى قلت أنا الفقر ذاته
أصل انا والفقر ماضيين كونتراتو
لا يوم أسيب الفقر أنا
ولا يفارقنى طووووول حياته
وعجبى
أنا طيرت يوم فوق السحاب وجنحت
ونزلت فجاه لما بعينى لمحت
أجمل بنات الحور فى توب البشر
وزعلت لما م المنام فتحت
شهداؤنا بين المقابر يهمسون..
والله إنا قادمون..
في الأرض ترتفع الأيادي..
تنبُت الأصوات في صمت السكون..
والله إنا راجعون..
تتساقط الأحجار يرتفع الغبار..
تضيء كالشمس العيون..
والله إنا راجعون..
شهداؤنا خرجوا من الأكفان..
وانتفضوا صفوفًا، ثم راحوا يصرخون..
عارٌ عليكم أيها المستسلمون..
وطنٌ يُباع وأمةٌ تنساق قطعانا..
وأنتم نائمون..
شهداؤنا فوق المنابر يخطبون..
قاموا إلى لبنان صلوا في كنائسها..
وزاروا المسجد الأقصى..
وطافوا في رحاب القدس..
واقتحموا السجون..
في كل شبر..
من ثرى الوطن المكبل ينبتون..
من كل ركن في ربوع الأمة الثكلى..
أراهم يخرجونْ..
شهداؤنا وسط المجازر يهتفونْ..
الله أكبر منك يا زمن الجنونْ..
الله أكبر منك يا زمن الجنونْ..
الله أكبر منك يا زمن الجنونْ..
****
شهداؤنا يتقدمونْ..
أصواتهم تعلو على أسوار بيروت الحزينة..
في الشوارع في المفارق يهدرونْ..
إني أراهم في الظلام يُحاربونْ..
رغم انكسار الضوء..
في الوطن المكبل بالمهانة..
والدمامة.. والمجون..
والله إنا عائدون..
أكفاننا ستضيء يومًا في رحاب القدسِ..
سوف تعود تقتحم المعاقل والحصونْ..
****
شهداؤنا في كل شبر يصرخونْ..
يا أيها المتنطعونْ..
كيف ارتضيتم أن ينام الذئب..
في وسط القطيع وتأمنونْ؟
وطن بعرْض الكون يُعرض في المزاد..
وطعمة الجرذان..
في الوطن الجريح يتاجرون..
أحياؤنا الموتى على الشاشات..
في صخب النهاية يسكرون..
من أجهض الوطن العريق..
وكبل الأحلام في كل العيون..
يا أيها المتشرذمون..
سنخلص الموتى من الأحياء..
من سفه الزمان العابث المجنون..
والله إنا قادمون..
"ولا تحسبن الذين قتلوا في سبيل الله أمواتًا
بل أحياء عند ربهم يرزقون"
****
شهداؤنا في كل شبر..
في البلاد يزمجرونْ..
جاءوا صفوفًا يسألونْ..
يا أيها الأحياء ماذا تفعلونْ..
في كل يوم كالقطيع على المذابح تصلبونْ..
تتنازلون على جناح الليل..
كالفئران سرًّا للذئاب تهرولونْ..
وأمام أمريكا..
تُقام صلاتكم فتسبحونْ..
وتطوف أعينكم على الدولارِ..
فوق ربوعه الخضراء يبكي الساجدونْ..
اختارلك جلسه
جائنى بريد اليكترونى من صديق يحتوى على بعض الجلسات الغير تقليديه ؛ الغريب هو عند رؤيتى لهذه الصور قفز الى ذهنى المواطن المصرى الغلبان .. فهو مطلوب منه أن يختار أكثر الجلسات المعروضه راحه …
تخيل لو خيرت فى الجلوس على احدى المقاعد المعروضه … رأيت أن أن أرحمها هى بيض فوتيه
وكأن البيض اتكتب علينا … بس يا ترى درجة حرارة المواطن المص
فتش فى كل الأمكنه
فتش فى كل الأمكنة
عالأمنيات الممكنة
واحفر بذاتك
جوه ذاتك
واقتل بصوتك
صوت سكاتك
وامسك بسيف الأمل
تقطع رقاب
كل الأهات المزمنه
فتش فى كل الأمكنه
البضاعه اتمنت
البضاعه اتمنت
والمزاد قدام عنيا
وعشان ما بملكش التمن
حلمى بيضيع من ايديا
والحكايه بتنتهى
والطريق بيلف بيا
بين مدارات الألم
بين مجرات السكوت
وأنا …. بشويش
بمووووووووت
بمووووووووت
بمووووووووت
وحشتينى
أيامى بتعدى
فى بعادك انتى سنين
قصيده أنشرها على مدونتى وأتشرف بنشرها للشاعر الشاب محمد السيد أحمد … أستاذ المشاعر … وسيد الموهبة … حقيقة أعجز عن وصف القصيده التى تصف حال الكثير منا … وأنا واثق أنها ستنال اعجابكم … ومن يريد التعرف أكثر على محمد السيد يتفضل http://3wo.maktoobblog.com/ بزيارة مدونته وهى
عايش على ارضك
اعصيك وتغفرلى
كسلان على فرضك
والرزق واصلى
ولو ابتلتنى ف يوم
ارجع واصلى واصوم
وانادى يا قيوم
الاقيك بتسمعلى
واستسمحك تسمح
وبرحمتك افرح
وف دني
أيامى بتعدى
وأنا فى الحياه وحدى
مش لاقى قلب حنون
أحكيله …. يحكيلى
ويدوق سهر ليلى
ويحبنى بجنون
امتى تجينى يا عمرى
وألاقى يوم قمرى
ينورلى وأعيش
تعالى غنيلى
بدد ظلام ليلى
هنا اسكندرية .. قصيده كتبتها فقط من أجل عيون الكاتبة الكبيره الأستاذه منى الصاوى بعد أن أيقظت بداخلى مارد الشعر الذى غاب عنى منذ عامين .. السيده التى أسمع صوتها عندما أقرأ تعليقاتها فهى اسكندرانيه حتى النخاع …. تشاركنى عشق المدينه .. ومدينة العشق
هنا القاهره قالها سيد حجاب … عظيمه وعاليه وفوق السحاب .. وأنا وعد منى وواجب عليا .. أغنى وأقولك هنا اسكندرية
هنا اسكندرية
هنا اسكندرية القوية العفيه
هنا اسكندرية الشديده الفتيه
هنا اسكندرية الصبوره الأبيه
هنا اسكندرية السهر والمكان
**
هنا اسكندرية
**
هنا اسكندرية بحور الجمال
هنا اسكندرية الحقيقه الخيال
هنا اسكندرية البسيط المحال
هنا اسكندرية الشجر والميدان
**
هنا اسكندريه
**
هنا اسكندرية العجيبه الغريبه
هنا اسكندرية وحضن الحبيبه
هنا اسكندرية مشاعرى القريبه
هنا البحر سحر الدفا والحنان
**
هنا اسكندريه
**
هنا اسكندرية عجيبة الفنار
ومن بين عيونك قابلت النهار
و حبك فى قلبى مكنش اختيار
وليكى ف قلوب البشر صولجان
**
هنا اسكندريه
**
هنا اسكندرية المطر والدفا
هنا اسكندرية بحور الوفا
هواكى ولقاكى لقلبى شفا
دا قلبى اللى سحرك ملاه بالحنان
**
هنا اسكندريه
**
هنا الفرح ويا الدموع والأنين
بتشبك ما بينهم خطاوى السنين
وتروى فى شوارعك قلوب مشتاقين
يقابلوكى بكره فى نفس المكان
**
هنا اسكندريه
**
هنا اسكندرية المندره والعامود
هنا اسكندرية النضال الصمود
هنا شط بحرى وقهوة قاعود
هنا الصهبجيه و سهرة زمان
**
هنا اسكندريه
**
هنا اسكندرية الإمام البوصيرى
وخيرها عليا أنا ويا غيرى
أيووووه
أيووه يا جدعان عالجمال
أيووه على شقاوة العيال
أيووه على بحور الرمال
أيووه على جمالك بقى
***
يا اسـكـندريه بـجـد والـله العظيم
واحشنى سحر هواكى والحب القديم
وواحشنى أتمشى على شاطئ جليم
وأنا وانتى ويا البحر بنصد الشقى
***
يا اسكندريه أنا عمر قلبى ما نساكى
قريباً على الموقع الأبواب الآتية
أشخاص فى حياتى
يوميات يوسف
شقاوة كاميرا (لقطات من تصويرى)
يقول الله تعالى (وجعلناكم شعوباً وقبائل لتعارفوا) والموروث الشعبى يقول (الجنه من غير ناس ما تنداس ) لذلك كان لابد من بدء التدوين فى هذا الباب أو ذلك التصنيف الجديد ؛ أشخاص فى حياتى عشت معهم وعاشوا معى أشخاص فى حياتى و شهود عيان على أحداث مرت بى أو مراحل عشتها أشخاص فى حياتى كان لهم التأثير في بالإيجاب أو بالسلب من خلال اكتساب عادات أو تعلم مهارات أو تبنى أفكار ما ؛ أشخاص فى حياتى ربما كان لهم التأثير فى تكوين شخصيتي أو تحقيق نجاحات معينة أو حتى كانوا سببا فى الإخفاق فى بعض الأشياء . وسوف أقوم بالكتابة فى هذا الباب دون ترت
معنى الحياه عندى
الكون دا كونى أنا
والأرض دى أرضى
أحلم أعيش فى الهنا
وبأى شئ .. مرضى
واحب اعيش لو سنه
اسكندريه
وأهو جالك الفارس
اللى غزل توبك
عاشقك ونفسه يكون
فى العشق محبوبك
يحفظ ترابك ربنا
ويخلى محجوبك
ياخد بايدك لفوق
ويزين ميادينك
ياللى انتى اصل الذوق
والفن تكوينك
يا لؤلؤه منوره
من بحرى للمندره
يا شابه يا صغيره
مهما السنين بتفوت
عاشقك وحبك مووت
يا اسكندريه
يا متشكله منى ومتكونه فيا
يا اسكندريه
يا احلى عروسه فى عنيا
ثلاث دفقات مهداة الى الصديق الغالى الشاعر الكبير / محمد السيد أحمد – السعوديه – جده – السبت 28/1/2006 مكتب م . طلال عشقان
1- عارف يا واد
عارف يا واد
رغم البعاد
حاسس كأنى بين ايديك
قدام عنيك
والحلم عايش بحلمه
علشان عيونك مرتين
مره ليا ومره ليك
حاسس كأنى فى حضن أبياتك بعيش
حاسس ماليش
غير ضحكتك ساعة اللقى
وغيرك ماليش
2- اياك يا صاحبى
اياك يا صاحبى تفتكر
انى نسيت او ممكن أنسى
أنا قلبى عايش عالعهود
والحب لسه
من يوم فراقك
والعيون بتعيش فى كربه
والغربه من غيرك يا صاحبى
وحياتك انت
ألف غربه
فارس الزمن الأخير
الى روح أستاذى ومعلمى و الأب والأخ والصديق الشاعر الكبير المرحوم / محمد أحمد طه
وصوتك لسه فى ودانى
بيسرى فى كل وجدانى
يعلمنى اكون فنان
وصوتك .. جوه منى أدان
ومش قادر على الحرمان
فى يوم منك
م أنا منك
يا مالك روحى أكمنك
صحيح انسان
يا معنى الحب والإحساس
يا أصل الطيبه والإخلاص
يا روح بتحب كل الناس
لأنك كنت انسانى .. وربانى
مالكش فى أى شئ تانى
وجارح قلبى حرمانى
فى يوم منك
م أنا منك
يا مالك روحى اكمنك
صحيح انسان
يا فارس الزمن الأخير
يا صاحب القلب الكبير
يامصر
يا مصر يا ملهمه
يا قويه يا مجرمه
ضرب الجزم فيكي
بقى طبع ولا سمه …
مرتضى
عاملينها ليه ازمه
وكلام مالوش لازمه
ايه يعنى لو مرتضى
آمن وعاش وارتضى
يرفع لنا الجزمه
دفقــات
1-
بين الوجود والعدم
أنا قلبى ليه محتار
احساسى ليه بالألم
فاق العذاب والنار
أندم على اللى اتفهم
ولا اللى مافهمتوش
وبإيه يفيد الندم
وأنا مش بإيدى أختار ….
يا دنيا
يا دنيا ليه
الظلم ماليكى
وليه بشوف الغدر
فى عنيكى
ولو القلوب
بالفرح ترويكى
ترويها ليه
بتحبينى ؟
كلمه بقولها وعارف ردك
عرف انك بتحبينى
وان هوايا مناكى ووعدك
وانك عمرك ما حتنسينى
بس دا كله ماعدش يفيد
مات الشوق جوايا أكيد
والليل اللى سهرتو وحيد
حط حدود بينك ومابينى
بتحبينى ؟
بتحبينى ولسه هوايا
ساكن روحك .. عايش فيكى ؟
ماهو كان حبك كل منايا
وانتى جنيتى عليه باديكى
بعد ما ضاع الحب بتبكى
وبتتمنى فى يوم تلاقينى .؟
يا خسارة
يا خساره من قلبى
وبآه بقولهالك
ضيعتى ليه حبى
كان مالى أنا ومالك
ياخساره من قلبى
وبآه بقولهالك
يا خساره عالأيام
والحب والأحلام
ليه كله كان أوهام
ليه جرحى يحلالك
ضمى قلبى
ضمى قلبى بنظرتين
دوبينى فى الحنين
مين أنا وحبيبتى مين
قلب واحد بين روحين
**
حبنا راسم طريقنا
شوقنا عمره مابيفارقنا
م الليلادى آه قلوبنا
عرفوا معنى الكلمتين
**
قولتيهالى .. قولتهالك
حبيبي مالك
حبيبى مالك .. ايه اللى فيك
الحيره ليه .. ماليه عنيك
وأنا ويا خوفى ازاى أعيش
وبسألك .. بتقول مفيش
أنا ليا مين بعدك .. ماليش
ماتخلنيش أقلق عليك ..
ايه اللى فيك ..
حبيبى مالك .. ماتقولى ايه ؟
شاغل خيالك .. ودا كله ليه ؟
حبيبى ياللى روحى فيك .
بحلفك وحياة عنيك ..
أنا ويا خوفى ازاى أعيش
مش حنسلم
مش حنسلم ولا نستسلم
أبداً أبداً لا
لجل القدس ولجل العزه
واهبينك يا حياه
مش حنسلم يوم لأعادى
وأما القدس علينا ينادى
بروحنا نلبى نداه
أبدً أبداً لا
***
مهما الدرب علينا يطول
ماشين مش خايفين
ولا عمر جهادنا حيتحول
ولا عمرنا راجعين
بكره ياقدس حيطلع منا
شهدا وبالملايين
ونهاية مشوارنا الجنه
صوت المطر
صوت المطر
هز الوتر
رقص النسيم تحت الشجر
قام الوجود قال غنوته
ولبس عبايته ولبدته
وغسل همومه بدمعته
وف لحظه غاب
فوق السحاب
وش القمر
دخل الحمام بنيته
نزل المطر
***
نزل المطر
زغزغ تراب الأرض
نقنق نقنقه
عطشانه كانت من زماااان
ومشققه
م البرد جريت قزه جوه الشرنقه
ونامت الأصوات وحتى الزقزقه
مفضلش غير تسابيح بصوت الريح
وبتدوى
وصوت الديب مابين الزرع
بيعوى
صبحت غيطان الفلاحين
تشبه بحور الصيادين
فى ميتها
واتجمعت نقط المطر
تمشى ف طريق يصنع قنايتها
تجرى وتجرى فى القنايه
وتملى ترعتها
قال الشجر الله ..
يا محلى شتوتها
بندم
كتبت داخل لجنة امتحان محاسبة تكاليف – كلية التجارة – جامعة الإسكندرية - 2003
بندم على احساس حسيته
بندم على حلمى اللى بنيته
بندم على واحد حبيته
خانى وباعنى وسابنى وحيد
أصعب شئ فى الدنيا حقيقي
انك تمحى ف لحظه طريقى
بعد ماكان الحلم صديقى
بعد ماعشت فى حضنه سعيد
جيت ومحيت بايديك أفراحى
جيت ومعاك بركان لجراحى
جيت ديقت الكون ف براحى
جيت بالجرح بدون مواعيد
بعد ما قلبى ما كان متهنى
جيت علشان تكدب وتمنى
جيت وهويتك غصبن عنى
جيت وياريتنى فضلت وحيد
سيبنى أتكلم سيبنى أصارحك
ياما اتألم قلبى بجرحك
واياك تطلب منى أسامحك
ياللى بغدرك عشت حزين
يوميات شهيد
تايهين .. فى دنيا ..
فيها كل الناس تايهين ..
ولا عارفين ..
لفين الخطوه .. ولاَ منين ..
ومش فاهمين .. ولو نفهم ..
نعود من تانى .. مش فاهمين ..
ومش قادرين .. نقول الحق ..
ولا نقول لأ ..
ولو قلنا .. نقولها لمين ..؟
ومش حاسين ..
بطعم حياتنا ..
ويجى منين ؟
وعايشين .. ومش عايشين ..
وشايفين .. ومش شايفين ..
وفاهمين .. ومش فاهمين ..
ودنيتنا .. كبيره علينا ..
ومهما عافرنا بإيدنا ..
ومدينا ف خطاوينا …
نعود لماكانَا نلاقينا ..
فى نفس التوهه ..وعنينا ..
من الأهوال تبكينا ..
ومين احنا .. ومين حنكون ..
فى كون ملعون .. فى دنيا ..
كل شئ فيها .. جنون فى جنون ..
ولو قلنا فى يوم الحق ..
ماتستغربش..
وأنا وياك .. مابتغربش
ماتستغربش..
فى عنيك بشوف ..
كل الحروف ..
متجمعه ف كلمة حنان ..
فى عنيك وطن ..
من غير بيبان ..
وأما الحنين بيشدنى ..
لأجمل مكان ..
باجرى عليك ..
ودعنى
ودعنى .. واظلمنى
ودوس على قلبى … واهزمنى
لو أنت العمر … مش عايزك
ولا يمكن حكون زيك …
خلاص صدقنى أنا فهمتك
ومش ممكن حتفهمنى ..
**
ودعنى .. واظلمنى
ودوس على قلبى … واهزمنى
**
مشاوير زمان مشيناها
أحلام كتير .. حلمناها
ولو حصرخ بميت آهه
لا يمكن يوم .. حتسمعنى
ومين غيرى
ومين غيرى
يحس بمعنى تنهيدك
ومين يقدر
يكون عيدك
يبات يحلم بمواعيد
ويحلملك
ومين غيرى أنا يملك
يكون ملكك
يكون عاشقك بإحساسه
تكونى ساكنه أنفاسه
يشوفك نجمه فوق راسه
تنورله فى عيونه الكون
حبيبة روحى أنا المجنون
بأحلى عيون
فى يوم ضمتنى وخادتنى
ودابت فيا … صالحتنى
على الدنيا وما فيها
يا ترى
يا ترى حبيتى بعدى
ولا قلبك لسه خالى
عامله ايه طيب فى بعدى
ولا حالك هو حالى
وحشتينى
أيامى بتعدى
فى بعادك انتى سنين
وأنا اللى ما بيدى
غير بس شوق وحنين
ماتحرمينيش
ماتحرمينيش
من انك تبقى جوايا
خيال بيعيش
ماتحرمينيش
دا حبك حلم دنيايا
عشانو بعيش
ماتحرمنيش
أكون صورة فتى حلمك
أكون ليكي أسير عاشق
يحبك يحضنك ياخدك
يدوب بين ايديه ألمك
ويحلف عمره ما يفارق
وتبقى كل احساسه
مابين عينك
مابين عينك وبين عينى أمانى كتير
وأحلامنا حوالينا نغم عصافير
بتتمايل مع الأنفاس
وأحس ساعتها ميت احساس
عيونى تقول يا أغلى الناس
تعالى بفرحه ضمينى
مابين عينك وبين عينى
****
عيونك ليل سماه صافيه
وقلبك بحره غرقنى
لو ألمس ايدك الدافيه
ألاقى الشوق بيسرقنى
وقلبى يدق عالأخر
الإستشهاد
لما يموت النور ف عيونك
ينتحر فيك النهار
لما يضيق الكون قدامك
لما تتوه منك أحلامك
تشرب من أحضان النار
وأما يعيش الموت جواك
يخنق أنفاسك
يجرح احساسك
يسقيك من كاسك
تشرب فى مرار
والكاس دوار
وأهو ليل ونهار
لساك معصور
لساك مبتور
لساك بدور
وتلف ف نفس الدوامه
وعنيك .. مش شايفه إلا غيامه
متاهات .. يامه
الظاهر
الظاهر
ان الدنيا حقيقى مظاهر
والأنتيكه ..
ان الناس بتحب تعيش
فى البلوتيكه
وتحب اللى بيخدع فيها
ويليفها
ويحميها
ويعيشها فى وهم كبير
ومالهش حدود
والمفروض
انك تتعلم تجاريها
وتجريها وتجرى عليها
وتجرى وراك
بس اياك تتكعبل فيها
ادرس دهاليزها ومجاريها
وروح ماتخفش
ادهن وشك وشين غش
وروح عاشر خفافيش العش
وشوف القش ازاى منه بتتبنى عمارات
والجايات .. راح تثبت أكتر م الرايحات
ان احنا ف عصر البهلونات
عصر الموازين المقلوبه
عصر القوانين المضروبه
عصر الأفكار المفتكسه .. والملعوبه
ان احنا ف عصر المليونيرات
ان احنا فى عصر الهات والهات
ان احنا ف عصر الاشتغالات
ارفع راسك … اعدل وشك
قبل الأوان بأوان
قبل الأوان بأوان
أنا قلبى حب وداب
وحلمت كان يا مكان
إن الهوى كداب
لكن مصدقتش
يرجى الضغط على كلمة المزيد…الموجودة أسفل كل قصيدة أو مقال وذلك لكى تتمكن من قراءته كاملاً
قدرى
قدرى ان أنا عشقتك
وسهرت لياليكى
وغرقت أنا فى بحرك
ودوبت فى عنيكى
وصبحتى غنوة حب
ليلاتى أغنيكى
شكراً لكل من زار الموقع .... محمد يوسف
أرجوا من أصحاب التعليقات كتابة بريدهم الاليكترونى فى نهاية التعليق لكى أتمكن من التواصل معهم ... محمد يوسف
تصبرنى على الأيام
انا من غيرك انت ضعيف
ومش قادر على الأحلام
وبعدك عنى زى خريف…